Arman ayınıñ 7-ne keçken gecesi Rusiye arbiyleri Rusiye Federatsiyasınıñ eki yönelişinden, Çauda burnu ve işğal etilgen Qırımnıñ Sarabuz qasabasından Ukrayina territoriyasına 112 "Şahed" tipindeki ücüm dronu ve farqlı çeşit pilotsız uçaqlarnen ücüm etti.
"İlk malümatqa köre, saat 09:00 ava mudafaası memleketniñ şimalinde, şarqında ve merkezinde 89 duşmannıñ "Şahed" tipindeki dronu ve farqlı tipte olğan dronlarını urıp tüşürdi ya da bastırdı. 11 yerde 23 pilorsız uçaq urulğan, üç yerde ise tüşürilgen parçalar qayd etilgen", — dep aytıla haberde.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
