Arman ayınıñ 7-nde saba Qırımda patlav ve RF Ava mudafaasınıñ çalışmasına oşağan yüksek sesler eşitildi, dep bildire yerli telegram kanalları.
"Soñki saat devamında Qurman rayonında, Canköy, Sarabuz, Eski Qırım poligonı rayonlarında gür patlavlar eşitildi", — dep yazdı yerli sakinlerge atıf etip "Krımskiy vetr" telegram-kanalı saat 10:20.
Bundan ğayrı, yüksek sesli sesler Canköy subetlerinde muzakere etile edi. Olardan birinde Kalinina soqağına tüşken parça aqqında haber etilgen edi. Bu malümatnıñ daa tasdıqlanması kerek.
Bundan ğayrı, Sudaqta patlav aqqında haberler peyda oldı. Supernova+ telegram kanalı, ola bilgen uruvdan soñ tütün köstergen videonı derc etti. Bu materialnıñ doğrulığını teşkermek şimdilik qıyın.
2022 senesi arman ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı “Ukrayina uçucısızlarına” qarşı ateş ve “ava mudafaa sistemasınıñ işi” dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün “esas telüke” dep adlandırdı.